FUR er ein samstarvsfelagsskapur fyri teir skipaðu, sjálvbodnu og landsumfatandi barna- og ungdómsfelagsskapirnar í Føroyum.

FUR hevur sum endamál:
– at vera felagsumboð fyri limafelagsskapirnar,
– at viðgerða spurningar, ið viðvíkja føroyskum ungdómi,
– at skapa áhuga fyri ungdómsmálum,
– at eggja ungdóminum at taka lut í og fáa ávirkan á samfelagið,
– at umboða limafelagsskapirnar í samstarvi við myndugleikarnar,
– at menna samstarvið og sínámillum fatan millum føroyskan ungdóm,
– at menna millumtjóða fatan.

FUR hevur 25 barna- og ungdómsfelagsskapir sum limir, hararv eru 21 limafeløg virkin í 2015. Teir virknu limafelagsskapirnir hava 34 lokalfeløg. FUR umboðar soleiðis 4820 børn og ungdómar í Føroyum (pr. 31.12.2014).

FUR fíggjar virksemi sítt við limagjaldi frá limafelagsskapunum, við árligum studningi á løgtingsfíggjarlógini og við peningi frá Spf. Ítróttarvedding.

FUR umsitir stuðulsskipan, sum veitir pening til limafelagsskapirnar og lokalfeløgini eftir reglugerð sum limafelagsskapirnir hava samtykt og sambart løgtingslóg um ítróttarvedding.

FUR verður stjórnað av starvsstjørnini, sum hevur 5 limir. Starvsstórnarlimir verða valdir á landsfundinum fyri eitt ár ísenn, meðan formaðurin verður valdur fyri 2 ár.

FUR hevur eina umboðsstjórn, har allir limafelagsskapir hava hvør sín umboðsstjórnarlim. Umboðsstjórnin hevur í minsta lagi 2 fundir árliga.

FUR hevur skrivstovu á Hoydaslvegi 6 í Havn. Telefon nummar 599299 og teldupostur: fur@fur.fo.

FUR hevur sjálvstøðugan virknan limaskap í NSU (Nordisk Samorganisation for Ungdomsarbet). Endamálið er at styrkja samstarvið millum flokspolitiskar óheftar sentralar ungdómsfelagsskapir í Norðurlondum.

Leinkjur til heimasíðurnar hjá hinum norðurlendsku ungdómsráðunum:
– www.nsu.is
– www.lsu.se
– www.sorlak.gl
– www.umfi.is
– www.lnu.no
– www.duf.dk